Pierlala

(It rûne argyf fan 2019, 2018, 2017.)

Re: Meidieling

Dei PiefPafPier, it is yndied om poerrazend fan te wurden. Blykber is it better en fersin jin mei de WMF dan haw tsjin har yn of bûten har gelyk. En dochs gean ik fierder mei wat ik doch. Myn sûnens sit no al jierren yn in slim yn-'e-wynsk rak en dat sil mei wissichheid ek sa bliuwe. Meihelpe oan it foar elts tagonklik meitsjen fan frije kennis is sa súntsjesoan letterlik it lêste dat ik noch dwaan kin en ik bin besluten dat ik my de tiid dy't ik noch haw net troch de WMF fergrieme lit. Wat de wikiwurdboeken oanbelanget: it sil harren noch net tafalle en yntegrear dy allegearre, dêrfoar moatte jin dochs echt wol wat ynhâldliks fan dy talen witte. It binne earder de wikipedyen wêr't ik oer yn noed sit, dêr sjogge jin it by riten no al mis gean. Groetenis, Wutsje (oerlis) 7 aug 2020, 11.08 (UTC)

Dei Wutsje. Sa hat eltsenien syn eigen motivaasje, mar de hiele operaasje fan 'e WMF lûkt nei myn betinken fral baantsjejagers en polityk-aktivisten. Allegearre loyaal oan 't bestjoer, dy't dy groep brûkt foar in machtsgreep oer de wikimienskippen. Ik wol yn alle gefallen net meidwaan oan wiki's dy't net objektyf en ûnôfhinklik binne. En at der fan boppe ôf belied oplein wurdt, fyn ik dat it op wurk liket, en net op in hobby. Wat no de plannen binne foar de wikiwurdboeken wit ik net, en dat is krekt it probleem. Ik sjoch al dat se oeral Wikidata trochdrukke wolle; dat is in foarm fan en:w:Vendor lock-in (in plan-B foar de wiki op in oar plak wurdt dan noch dreger), mar it kin brocht wurde as technyske foarútgong. M.f.g. --PiefPafPier (oerlis) 8 aug 2020, 11.27 (UTC)

Goejûn. Ik sjoch, jo binne de lêste twa jier hjir net sa aktyf mear. Dêrfoar, sa liket it, wienen jo de persoan dy't in protte oanpassings dienen oan it Wikiwurdboek.(Der liket in soarte fan wet te wêzend at der hieltiid mar ien Wurdboeker tagelyk aktyf is.) Op it stuit doch ik wat oan it Wikiwurdboek, mar yn de rin fan de tiid, binne der wat saken oars wurden.

It perbleem is dat jo der krekt oanta wienen dat út te lizzen yn da dokumentaasje, mar dat jo doe ophâlden binne. Dat, der binne saken dy't nea útlein binne. At jo dit ea lêze sille, kinne jo dan earne útskriuwe hoe at -fy- no oars is as de measte oare talen? En wat wy dwaan moatte om dat op oarder te hâlden? Aliter (oerlis) 13 jan 2023, 20.59 (UTC)